Muhsin xwedêgiravî Camêr!                           Erdoxanê te li vir çi dike oxlim! Dibêjin carekê Bahlûl du bîstanên zebeşan çandin, yek ji xwe re û yek jî ji Xwedê re. Xwedê jî, bîstanê xwe her zebeşek kir wek zebeşên Amedê, ewqas mezin, ciwan û bedew û yê Bahlûl jî zebeşên wî kirin wek şimamokan, kurmî û alqoskî. Dema feqîrê Bahlûl diçû nav bîstên û li zebeşên xwe  û yên Xwedê dimeyzand, hema agir bi kezeba wî diket û ji xwe re digot: Hey malnexerabo ma min qencî bi te kir, te jî xerabî bi min kir? Em zanin ...

Gurrî û Bavê nazê Gurrîk li gundekî hebû tukesî navê wî netanî ser zimên, qala wî ne bi qencî, ne bi xerabî nedihat kirin. Gurrî fikirî û ji xwe re got: Bi xwedê wilo nabe, heger min nehişt ku xelkê vî gundî hemi navê min wek benîşt nexin devên xwe û neynin ser zimanên xwe, bera ez ne Gurrî bim. Hûn zanin gurryê heram çi kir? Çû di cirnê gund de rît û nav û dengê xwe li heft gundan belav kir. Yê rabû go gurrî û yê rûnişt go gurrî…! îca mesela me jî li ...

Ereb dibêjin: Hamîha, heramîha yanî yê ku diparêzin, diz in….de îca werin û safî bikin…Ê bi sî û sê telaqan mafyayên Meksîkî jî wilo nakin law! Mafya dema lotikekê li yekî dixin û malikê li wî diviritînin, bi dengekî bilind û bê tirs hawar dikin: Em in yên ku me lotik lêda, me ew kuşt, me kirê, me….   Yanî camêran mêr in, natirsin, li gor baweriya wan bi şeref tawanên xwe dikin û ji tukesî venaşêrin. Lê pepûkên me, xwelîliserên me, ne mêranî hiştine, ne şeref hiştine, ne wêrekî hiştine û ne ...

Niha min xeberek di Pukmedia de xwend, dibêjin vê sibehê teqînek di fabriqa hesin ya Hewlêrê de çêbûye, 5 kes mirine û 15 kes jî birîndar bûne. Sedema teqînê jî, li gor xeberê ew e, dema cihêkirina hesinên ku ji başûrê Îraqê tînin fabrîqê, bombek di nav de teqiyaye û ev ecêb bi serê kakacanan de aniye. Welleh, billeh, tilleh we Kurdistan kiriye "Chernobyl" kaka! Hesinê wan tank, top û çekên ku hemî jahr û ûranyom e.  Ji başûrê Iraqê tînin û li Kurdistanê dikin hesinê xaniyan û difroşin xelkê. Tenê xwedê ...

Piştî ku hilbijartin bi dawî bû, başûrekan, bi taybetî li şarê Hellmet û Qurbanî, dest pê kirin bi teqe-teqa fîşek û guleyên ezmanî. De berde canekem berde, bi tivingê bigre û tiliyê bi ser de! Li kê dikeve, kî birîndar dibe, kî dimre, kî tê kuştin ji xirrên we ve! Dibêjin zarokek hatiye birîndar kirin. Kuro ma ev malmîratana, çiqas kêfa wan ji dengê çekan re tê looo! Yaw ez bi serê  bavê Teyar kim, gendelî ne tenê ketiye bêrîkan, lê belê di nav mejîyan de cih girtiye, ew zingarokî kirine û heta ku ...

Dizî çilo be, ji bo çi be, ew kesê ku dike her jê re dibêjin diz. Hin hene ji tunebûn û hejariye didizin, hin hene di xwîna wan de ye, hin in din jî hene ku kirine bazirganî û  pê pere û malên xwe zêde dikin û qet çavên wan têr nabin. Bavê dostekî min hebû, gelek caran min ew didît û pê re rûdiniştim, gotinên wî, henekên wî, dan û standina wî pir xweş bû. Ew bi temen bû, berî çend salan ew çû malavayî kir, sed rahmet li gora wî be. ...

Li van tirr-tirrên sitêran binêrin û tê derxin bê jimar çend e, barên wan çiye û dibin ku: - Gaz e, dibin ji xelkê Helebçe re - Benzîn e, wê belaş bidin xelkê ji bo ku dengên wan misoger bikin - Mazot e, wê belaş bidin cotyaran ji bo giringiyê bidin çandiniyê û êdî bacan û pîvazan ji derve hew bînin -  Petrola reş e, dibin Îranê bi nîvê nirx difroşin - Petrola reş e, ji Çeq-Çeq tînin da ku wê ji hev derxînin û du qat bifroşin hevwelatiyên Kurdistanê - Bi roj 100 stêr in, ji bo ...

  Li binxetê gelek qerf, henek û pêkenok hene. Pir caran jî miletê me li wir pêkenokan li ser hev dibêjin. Îca li wir Xerbî û Aşitî hene, yani yên rojhilatê bajarê Qamişlê ji wan re dibêjin Aşitî û yên rojavayê bajêr jî navê Xerbiyan li wan kirine. Di nav Aşitiyan de jî beşek koçer hene. Erê lo, wek mesela Smaîlê din û Newafê Amûdê ku bajarê Amûdê li xwe parve kiribûn. Newafo ji Smaîl re gotibû: Hema aliyê rojhilatê çem ji te re û aliyê rojava ji ji min re.  Dibêjin carekê koçeran ...